LYRIC / PARODDI / PARULLE / CANTI
Eri l’isula ghjustizia
In li seculi passati
Ma sò sbarcati di Francia
Ghjudicelli è magistrati
Ch’elli vachinu à caternu
Chì ci laganu in infernu
Tandu ripongu la penna
E tirgu à palle rosse
O ma chì bellu prucessu
Dopu u drama di Furiani
Rispunsevule manc’unu
Mez’à tutti issi furdani
Ch’ùn capiscenu l’accuse
Patarechje e mille scuse
Tandu ripongu la penna
E tirgu à palle rosse
Diu vi salvi o corsi
Di quell’orridu palazzu
Chì cundanna e famiglie
Chì fora facenu u tazzu
Di l’impiegatu chì mena
E sempre l’odiu sumena
Tandu ripongu la penna
E tirgu à palle rosse
Quì ùn si cundanna micca
Quelli di a prifettura
Dateli puru e medaglie
Chì stanu senza primura
Scalanu pè prumuzioni
O li purcacci manghjoni
Tandu ripongu la penna
E tirgu à palle rosse
Cù i soldi e l’amicizia
E a vuluntà statale
Si và in culu à la ghjustizia
Ci n’andemu à lu più male
A mamma face u so dolu
E pienghje lu sò figliolu
Tandu ripongu la penna
E tirgu à palle rosse
E tandu ripongu.
No comments yet