LYRIC / PARODDI / PARULLE / CANTI

Sogu u cervu, u cervu corsu, l’animaleddu sbanditu …
U culombu, la me morti, laca u corvu ammuntulitu …
Mai più u mi visticarè, o crudeli cacciadori …
Da Capicorsu à Pumonti, maladettu vincitori …

Sogu u cervu, u cervu corsu chi si n’inveni di l’aresta
Di la friscura, lu boscu quandi Austu faci festa …
Indi sè, la me faieta, sbucciata à middi maglioli
Lu me verdu puntiddonu, colmu à paci muntagnola …

L’altora si hà spizzicatu, i me carri varmicosi …
Ma ribomba la me chjama in li lamenti vintosi …
La surgenti sarà sicca è l’acquaccia tricaticcia
Turrarà lu biitoghju in una nera fanganiccia …

O corsu, fiddolu d’oghji, lu me sirvonu sfidatu …
Arimitu da lu soldu, di la mufra chi n’ai fattu …
Eiu ùn temu ghjacariccia, nè piumbu nè caccia mossa
Ti facciu per sempiternu a lasciati’lli me ossa …

Tù chi và l’anima incheta, eiu sogu un agrunditoghju …
S’è tù ci scontri l’arietta, ti purtarà lu me moghju …
Lu me schiletru bianchicciu chi si dissicca in la machjetta
Finch’un falcu ghjunghjiticciu ni sumenghja la pruneta …

Voddu cù l’antichi Corsi, movamini in Paradisu …
A bramà per tempu eternu … Signureddu à lu to visu …
Quandu l’ultima fuchera s’avarà tusu li monti Bis
Quandu u primu sulioni s’avarà spintu li fonti …


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *