LYRIC / PARODDI / PARULLE / CANTI
Sunniatu mi sò d’un ponte, duve aghju vistu un zitellu
Scrittu ellu s’era in fronte, cù lu so sangue… Ribellu…
Era Maghju sessanta nove di seculu sette centu…
U nemicu era Francese, l’associu era Prussianu
U falzacciu Genuvese è u ribellu paisanu
Venuti eran d’Acquale à la chjama di Pasquale…
A battaglia fù murtale, a vindetta sanguinosa,
Morti sò quelli d’Acquale, vinuti à la ritrosa,
Anu sterpatu la ghjente è brusgiatu li paesi…
O Corsu, ùn ascultà più a sturiaccia chi t’imbrulla,
Quessa vuleria di chi ribellu hè mortu per nulla
E chi mancu un francu vale l’esiliu di Sgio Pasquale…
Sunniatu mi sò d’un ponte, duve aghju vistu un zitellu
Scrittu ellu s’era in fronte, cù lu so sangue… Ribellu…
Era Maghju sessanta nove di seculu sette centu…
Era Maghju sessanta nove di seculu sette centu…
No comments yet