LYRIC / PARODDI / PARULLE / CANTI
Istu paese di cuccagna
Ch’ella era a to giuventù
Oramai u l’abbia in brama
Hè finitu, ùn torna più …
Spaspersu in questu mondu
In cercà d’ogni virtu
Piglia, attepa le cunfine
A verità hè quassù …
Quassù si pesa l’altagna
E lu muvrone dinù
Si discioglie ogni pena
E l’amore ùn more più …
L’acqua di la funtanella
Corre trà mezu à li foi
Ne pasce la pecurella
Senza temene li boli …
Qui si scopre l’orizonte
L’altru mare è l’al’di là …
Qui si marchja ad’alta fronte
E timore omu ùn ne hà …
Qui si aprenu le porte
Per quellu chi sà pichjà
Nun si teme malamorte
Qui tuttu hè umanità …
Qui spunta lu primu albore
A l’Oriente quallà
Qui sbuccia lu primu fiore
U fiore di a Libertà …
Cù la luna è cù lu sole
Sempre per l’Eternità …
Chi stà l’anticu maestru
Cù l’ochju di a verità …
No comments yet