LYRIC / PARODDI / PARULLE / CANTI
Muntagna cara, eternu amore
Muntagna fiera è sminticata
Fideli è muta tali una spusata
Ricca di storia è ricca di dulori,
Par mè, sarè sempre la me muntagna
Dunde a neve hà tessu una curona …
Imbalsamata l’arburatura
Indù si cala è si spechja l’altagna
Hà datu sempre aiutu à lu rimitu
Persu à la disgrazia o à la sventura
In la to furesta zeppa è sicura
Hà piattu lu guerrieru è lu banditu …
Muntagna corsa, ascolta me pena …
Vardati da la piaghja traditora
Chi pianu pianu andarà à more …
Avà chi ghjè calcicata la so rena …
E li to ochji pieni di tristezza
Un poni vede stu mondu vanu
Un date più aiutu di i so mani
E colmà u to core d’amarezza …
Ma prestu vinarà chi a notte pagna
Si spannarà per da piazza à u sole
Cantarani dinò i to paisoli
E tù, rinasciarè ! la me muntagna …
Cantarani i to paisoli,
E tù, rinasciarè !
la me muntagna …
No comments yet