LYRIC / PARODDI / PARULLE / CANTI

Ramentati quelli tempi passati à la Caldanelle
C’eranu le maritate, c’eranu le viduvelle
Mà tù, purtai lu vantu, o fiore di le zitelle…

T’arricordi quella sera ch’è no ghjucavamu à la fava
Ma ci era la vichjarella chi mai ùn t’abbandunava
Parchi li nostri sicreti, ella sempre induvinava…

A lu cuventu di Vicu, un ghjornu di primavera,
Fecimu un spassighjata da meziornu fin’à sera…
E tù mi ghjurasti in senu d’esse mi sempre sincera…
E tù mi ghjurasti in senu d’esse mi sempre sincera…

Avanti di siparacci, fù d’accordu patuitu
Di truvaci u lindumane à quellu parsicu fiuritu
Tinisti la to prumessa, mà nùn fù esauditu…

Acilletti innamurati chi cantate in sta verdura,
Pietà per li mio dulori, pietà per la mio sciagura
Chi serà sempre cucente sin’à chi la vita dura…

O Alberu dillicatu, testimone di u nostru amore
Vive eternu u to prufume è eterni li to fiori
Chi a ciò quandu ti rimiru, cessanu li mio dulori…
Chi a ciò quandu ti rimiru, cessanu li mio dulori…


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.