LYRIC / PARODDI / PARULLE / CANTI

Trè parulle d’amicizia
Chì ghjùnghjenu à scaldatti lu core,
Cume una bella nutizia,
Cume un veranu ch’ùn vole more ;
Trè parulle chì sò tanti
Colpi à e porte di l’indefferenza,
Cume trè muri tamanti
A l’edifiziu di a fratellenza.

Trè parulle di mele
Per appace lu to pientu malatu,
Quande tù brammi à quelle
Chì per d’altri suspiri t’hanu lasciatu.
Trè parulle di lume
Chì vèstenu le to notte sole,
Cume u mantellu di sciume
A l’onda chì corre sott’ u sole.

Ripigliu:
Cunfidenza, rispettu, tulerenza,
Per un avvene più prontu à riceve la nostra
[ cridenza ;
Ghjelusìa, calunnìa, rise torte
Ribòmbenu in lu core di l’omu ind’ un mughju
[ troppu forte
D’una sintenza di morte.

Trè parulle di succorsu
Per una pace oramai diffesa,
A tè chì senza rimorsu
Hai ricusatu la mio manu tesa.
Trè parulle di vita
Quande elle sò in innu cantate,
Trè parulle ferita
Quande elle n’ùn sò più pronunciate…


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *