LYRIC / PARODDI / PARULLE / CANTI

Per esse toiu, seraghju mare
Per megliu spusà le to sponde,
Carezzà le to forme tonde,
E alliscià le to rene chjare.
Per esse toiu, seraghju ventu
A u mutà di e staggione,
Per purtatti le mio canzone
D’un fiatu ch’ùn serà mai spentu.

Ripigliu :
Vogliu fammi mughju di gioia
Per esse toiu à l’oramai,
E quande tù risponderai
Tandu a mio voce serà toia.

Per esse toiu, piossa è sole
Feranu l’arcu di culori
Per annacquatti di luciori
In mille stelle in farandole.
Per esse toiu, seraghju cantu,
Solu per tè inventeraghju
Nove parulle d’un liguaghju
Fattu di lume è d’incantu.

Ferma tuttu l’avvene à tesse,
Ch’importa rimitu o rè
S’eiu campu à l’ombra di tè,
Per esse toiu, o n’ùn più esse…


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.