LYRIC / PARODDI / PARULLE / CANTI

A Terra era zitella per ‘ss’ épica luntana
Quande ella hà parturitu a nostra razza umana,
Nata di qualchì misteru di l’evoluzione,
Hà chjamatu u so sonniu : Civilisazione.
E fiare di a cuscenza tandu si sò incese,
Hà conquistu lu focu, fabricatu l’arnese,
Suminatu a sapienza per megliu pudè chere
A rombu di stirpere i frutti di u putere.

Ripigliu :
Intulerenze, intulerenze,
‘Ssa parulla hè scritta di lu to sangue, omu ;
Intulerenze, intulerenze,
Quanti séculi di più per campà le to differenze?

Dicìanu d’a guerra chì l’ùltima serà,
Ghjustu per dassi u tempu di ricumincià.
Oghje à fiancu nostru, ùn ghjera micca privista,
Ripiglia lu so volu l’àcula fascista ;
D’Etiopìa à Libanu sin’à l’Armenìa,
Da Iugoslavìa induve spira a demucrazìa,
Sò sempre vivi i campi di cunsentrazione,
Sò sempre quante alti i muri di e priggione.

N’ùn ci scurdemu puru di Walesa, Mandela,
Casticati per una libertà cusì bella ;
Ramentate quel’morti trà mille marturiati,
Luther King è Gandhi n’ùn seranu smenticati.
Sunnieghju d’un mondu, di una terra bella,
Duve la riligione, o u tintu di a pella,
N’ùn seranu mai più raggione di luttà,
Alzemu un mondu d’amore è d’ugualità.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *