LYRIC / PARODDI / PARULLE / CANTI

Tondu
Lu corpu di l’amore biondu
Tondu cume po esse u mondu
Ch’aspetta una nova presenza.
Tondu,
Agrottu caldu è prufondu
Chì piatta tuttu in lu so fondu
U fiatu novu di a sperenza.

Tonda,
Ghjàrcalu chì pichja è chì gronda
Chì sfrombuleghja la so onda
Per scavassi d’altre cunfine.
Tonda,
Lu mio core balla la ronda,
E questa gioia chì m’innonda
Un averà mai più fine.

Tonda,
Mare cun cusì bella sponda,
Celu duve turchinu abbonda
Induve volu, acellu scemu.
Tonda,
Ti serà l’amore una fronda
E la to ciuccia capibionda
Hè lu fruttu chè cuglieremu.

Ripigliu:
Sentu ride l’ora digià
Di ‘ssu mughju chì scopierà,
Tondu l’amore,
E cresce cume un fiore…


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *