LYRIC / PARODDI / PARULLE / CANTI

A tè Mamma Natura
Vogliu dedicà le mio canzone ;
Parlu di l’aria pura
Sempre chjosu inde la mio priggione
D’e cità di bughjura,
Di fumacce è di polluzione.

L’omu s’hè scatenatu
Per tumbà tutte e cose e più rare ;
Ciò ch’a scienza l’hà datu
N’hà fattu macelli à fiumare ;
Oghje un figliolu hè natu,
Ellu l’hà chjamatu nucleare.

Ripigliu :
A Terra more pianu
E l’Umanu s’amusa,
Hè carca di catramu
E di fanga a mio Musa,
O, Mamma Natura blues,
O, Mamma Natura blues.

L’omu hè senza ciarbellu
Ma forse, un ghjornu, riffletterà,
E pregu chì l’acellu
N’ùn si pianti mai di cantà ;
Lu mondu serà bellu,
In questu ùn vogliu dubità.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *