LYRIC / PARODDI / PARULLE / CANTI

V’aghju à cuntà, amichi, una storietta vera,
Corciu Ghjuvan-Natà, chì lu m’ amicu era,
A ghjente li carcava d’offese,
Scaccanava, li trattava di tontu di u paese.

Ripigliu:
Spassighjava cun volpe, muvra, ricciu è cignale,
Chì li prestava tanna, sere di tempurale.
Stàtem’à sente, ‘ssa strufetta hè di u lucale,
Stàtem’à sente, ballata pè Ghjuvan-Natale.

Ellu parlava spessu cun l’acelli in furesta,
Avìa sempre in faccia un surrisu di festa,
Chjamava lu versu cù e surgente,
Viuletta, filetta, sò le so cunfidente.

Ripigliu:
Currìa cù i falchi, l’ape è le farfalle,
Dice chì qualchì fata l’hà datu duie ale…
Stàtem’à sente, mai ùn chjinerà le spalle,
Stàtem’à sente, ballata pè Ghjuvan-Natale.

Tandu, dìtemi puru, quale hè u più scimitu
D’un latu un citadinu, da l’altru, ellu, rimitu,
A notte, mentre chì a ghjente dorme,
Ellu va cavalcà sott’e stelle l’unicorne.

Ripigliu:
Se sentite una voce, passendu in fiuminale
Cù lu ventu cantà un qualchì madricale,
Stàtel’à sente, lu so fiatu hè immurtale,
Stàtel’à sente, ghjè a ballata di Ghjuvan-Natale.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *