À Anton’Francescu Filippini

Issa lingua di i mei grazia à voi fù quella
Chì incantava le sere di a mio zitellina
Issa lingua di i mei grazia à voi fù bella
Quant’un’alba di maghju, un sfogu d’albaspina

Trà noi ci fù lu mare è u tempu chì u face
Trà noi li bisesti di e guere orrende
Ma ci fù da fà ponte a musa ch’ùn si tace
E parolle di focu, e splendite lucende

Pienghje u murianincu u so figliolu persu
Pienghje a Corsica sana quellu chì si n’andò
In paese di Dante à mantene u versu
Di quellu di una volta, quelli antichi maiò.

Qualsiasi lu locu, u fiume, u paese
Ch’è vo travirsarete in sonniu dopu vita
E brame di u meiu à e vostre sò appese
Da fà compia sta notte chì dura senza lita.

Marcellu Acquaviva
A Filetta

Altri canti cu Si di mè ##

• A’dì’ti di tù
• A’l’altru mondu
• Affrescu
• Chjarura
• Dormi
• L’aria
• L’attesa
• Memorie
• Ne’n Tarra ne’n Celu
• Reame meiu
• Santa R’ghjina
• Sì
• Tbilissi
• Tempu
• Visioni care

Scantariza

• A Muntagnera
• L’acillucciu
• À u vechju pueta
• Machje
• À a riscossa
• Euskadi
• Terra brusgiata
• Farandula
• Induvinella
• Ste mane qui