LYRIC / PARODDI / PARULLE / CANTI
Sò ghjunti da fora er stringhje li ferri
Sò torna nemichi, li nemichi d’eri,
Accampanu in arme paese è cità, Bis
Ma in la machja cresce sulidarità.
D’ogni casa chjosa si apre un purtellu
In lingua materna si sbrama un zitellu
Di piaghje o muntagna la to ghjuventù Bis
A nutri l’esiliu ùn ci vole andà più.
Ma oghje in paese sò mosse e cuscenze
U populu corsu ripiglia sperenza
Di Paoli u ricordu rinnasce in la mente Bis
Da l’imperialisti ci faremu sente.
In la notte pagna di la to ruvina
L’addisperu more la vita camina
Camina ingrandendu u lume sperenza Bis
Strada petricosa, cime independenza.
Populu corsu, a lotta hè mossa Bis
L’ora hè di chjama à la riscossa.
Ghjuvan’Claudiu Acquaviva \ M. Frassati
A Filetta
No comments yet