LYRIC / PARODDI / PARULLE / CANTI

In la valle d’Ostriconi
C’hè ghjunta la malacella
In la vale d’Ostriconi
Si sò spente le paghjelle
In stu locu campagnolu
Un si rispira chè dolu.

Lu capraghju insischitu
Omu à lu stintu puru
Lu capraghju insischitu
Di punt’à lu mare scuru
Fideghja cun tanta pena
La disgrazia di la rena.

Rittu annant’à quellu scogliu
Arrimbatu à le lamaghje
Rittu annant’à quellu scogliu
Stava fieru un pagliaghju
Prestu ùn sarà chè ruvine
Chi diceranu a so fine.

Perchè o crudella acella
Ci voli purtà la morte
Perchè o crudella acella
Ghjunghji per cambià la sorte
E di lu corciu capraghju
Strughji ancu lu pagliaghju.

Pianta acella di la morte
Tù chi sempre in la bughjura
Pianta acella di la morte
Un ci arrechi chè sciagure
Mà l’alba scopre le cime
E vicina hè la to fine.

In la valle d’Ostriconi
Anu tomba a malacella
In la valle d’Ostriconi
Sò scuppiate le paghjelle
In stu locu campagnolu
Chi supraneghja la piaghja.

Mà più ùn ci sarà dolu
L’omi anu alzatu un pagliaghju.

 

A Filetta.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.