LYRIC / PARODDI / PARULLE / CANTI

Nant’à le sponde d’un fiume
Un zitellu hè pusatu
Lu sole di lu so lume
Ind’un sonniu l’hà purtatu.

Riturnellu cusi bellu
Chi vogliu cantà cun ellu.

Cantami tù acillucciu
Le to millaie di versi
Fà li sente lu to fiscu
Chi rallegra l’universu.

Riturnellu cusi bellu
Chi vogliu cantà cun ellu.

Fà mi scopre lu to mondu
Quellu di la pace amata
Senza inganni nè prigione
Duve libertà hè fata.

Riturnellu cusi bellu
Chi vogliu cantà cun ellu.

A l’orlu di un paese
Trinca u son d’un viulinu
Tù cù le to bracce tese
Porti a ronda zitellina.

Riturnellu cusi bellu
Chi vogliu cantà cun ellu.

M’ai chjamatu una sera
Quandi lu sole falava
Aghju lettu e to preghere
Mutu à sente eiu stava.

Riturnellu cusi bellu
Chi vogliu cantà cun ellu.

 

A Filetta.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *