LYRIC / PARODDI / PARULLE / CANTI

Vogliu esse lu figliolu
Di quelli di cispre armati
Chi di maghju in fiume Golu
Funu tutti assassinati,

Vogliu esse lu figliolu
Di li corsi impiccati
Oghje ghjornu lu Niolu
Si ramenta l’antenati.

Vogliu esse lu fratellu
Di l’omu ch’hà ricusatu
Per a Corsica ghjuvellu
Un avvene incatinatu,

Vogliu esse lu fratellu
Di l’amichi ditinuti
La so fede hè la stella
Chi luccicherà per tutti.

Vogliu esse lu cumpagnu
Chi mughjà sempre più forte
Cù li populi in lagni
Cambiemu la nostra sorte,

Vogliu esse lu cumpagnu
E di pettu à la morte
Balla nant’à lu Terraniu
Lu quadrigliu di rivolta.

Vogliu esse la cuscenza
Chi disceterà la mente
E chi darà la sperenza
A tante povare ghjente,

Vogliu esse la cuscenza
Ch’ùn puderà mai più sente
In le carne la suffrenza
E tace sempre li pienti.

Vogliu esse la sperenza
Nant’à li monti murtali
Chi purterà la bandera
A la gloria universale,

Vogliu purtati fratellu
A libertà, cusi pura
Chi hè cum’è l’acellu biancu
In la to cellula scura.

A Filetta.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.