LYRIC / PARODDI / PARULLE / CANTI
Cenere, ventu è vite à caternu
Inserciditi li cori chì chjamanu in darnu
Ma l’amore ci fù
Ed’hè firmatu, principessa
A’dì ti di tù
In li to passi incerti ver’di e bracce sparte
Ci hè Mammata chì ride, Mammata scumparte
Tepidi sonnii è grazie tante
Chì t’avvignanu, principessa
Da ch’elle sò tamante
Annant’à qualchi vechju quaternu
Eccu ti mintuvata, Tesoru
Da Barbirossu lu cecu,
U primu amante d’oru
A basgià ti la fronte sò scalati li ghjorni
E’centu rè misteriosi anu fiuritu i cuntorni
A so trifuna và,
Bramanu è cantanu, principessa
Da chì e so stelle vantanu
Criaturella in anda, mi sì soffiu d’età
A l’appossu di a mio preghera, la ti vesti felicità
Venghinu tempu è ore
A’fà ti donna, principessa
D’una zitella in pettu, ci aghju da tene u core.
Annant’à qualchi vechju quaternu
Eccu ti mintuvata, Tesoru
Da Barbirossu lu cecu,
U primu amante d’oru.
Jean-Claude Acquaviva \ Bruno Coulais
A Filetta
No comments yet