LYRIC / PARODDI / PARULLE / CANTI

A’l’altru mondu, u tempu hè longu
Ci stà l’eternità
E’m’ha pigliatu à tempu natu
Di mè chì n’hà da fà
O cara Mamma u paradisu
Hè grande cum’è tè
E’s’è ti chjamu à l’improvisu
S’arricummanda à mè
Santa Maria a to sumiglia
Ùn nu mi lascia più
E mi cuntentu, è mi ramentu
Cum’è s’ell’era tù

Ti mandu un fiore, u so culore
U scegliarei tù
Hè ind’è u pratu di u Muratu
Ch’ellu face u più
S’o fussi eiu frà i più belli
U cuglierebbe à tè
Ma stocu in celu, è i to capelli
Sò luntanu da mè
Ma i t’allisciu cù Ghjesù Cristu
Chì sà quale tù sì
E’mi cuntentu è mi ramentu
E’megliu, ùn possu dì

Ùn piglià dolu, u to figliolu
Cù l’anghjuli stà bè
E’sò ch’o vogliu u mio custodiu
A sà prima cà mè
Quì l’aria fine cum’è puntine
Cosge senza piantà
Ore tranquille, à mille à mille
Senza calamità
A l’altru mondu canta un culombu
E’paura ùn ne hà
Pè cacciadore ci hè un Signore
O Mà ùn ti ne fà !

I Fratelli Vincenti
A Filetta


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.