LYRIC / PARODDI / PARULLE / CANTI

Una ripa di terra in core pè l’eternu
E’stu surrisu caru voltu versi l’avvene
Un passu chì andarà senza più malapena
E’lochji abbagliulati nantu à u mare paternu
Quant’hè strana l’attesa

Una sguatra di fiure più nere ch’è u dolu
Un avvampu di focu chì affoga u rispiru
Tuttu ciò chì si more senza oncia di rigiru
Ogni cennu di vita chì varca u celu novu
Quant’hè strana l’attesa

Un sonniu malandatu chì chjama u terrore
L’ingannu è u vituperiu in tresca pè e cime
U ricordu annannatu da le to ore patime
E’u to celu chì piglia u versu di u chjarore
Quant’hè strana l’attesa

Una ripa di terra è un branu di sole
A vistica di ciò chì sbramò l’infelice
Quand’eiu ne rimiru a mio terra à l’arice
Di iss’ombra meia nata quandi à ella s’annoda
Quand’hè dolce l’attesa di tè.

Marcellu Acquaviva \ Jean-Claude Acquaviva \ Bruno Coulais
A Filetta


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.