LYRIC / PARODDI / PARULLE / CANTI

Spessu ti rivecu
Mai ùn mi smintecu
Cumpagnu,
Di la to prumessa

L’aghju sempre à mente
Tale un focu ardente
Cumpagnu,
Fiamma di purezza.

Vola sopr’à le lecce è l’alivi
O culomba l’azuru ai da striscià
Per dicci chè nò semu vivi
E chi persu ùn avemu, è luttà…

T’anu ammanittatu
Cum’è un scelleratu
Cumpagnu,
Ghjittatu in prigione.

Notte angusciose
Stonde dulurose
Cumpagnu,
Ma spera nazione.

Vola sopr’à le lecce è l’alivi
O culomba l’azuru ai da striscià
Per dicci chè nò semu vivi
E chi persu ùn avemu, è luttà…

Suffrimentu umanu
Per chi stu dumane
Cumpagnu,
Sia di dignità.

Stu cantu sta sera
Si farà prighera
Cumpagnu,
Luce di libertà !

Vola sopr’à le lecce è l’alivi
O culomba l’azuru ai da striscià
Per dicci chè nò semu vivi
E chi persu ùn avemu, è luttà…

Michel Frassati / Jean-Claude Aquaviva
A Filetta.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.