LYRIC / PARODDI / PARULLE / CANTI

Ce chant est destiné à nos enfants, qui bâtiront, si nous savons leur communiquer le désir, un monde de dignité et d’amour sur cette terre qui est la leur.

U ghjornu di lu primu pientu,
Ti vogliu apre lu mio core
Ti vogliu di ch’issu paese
Hè in cerca di u so prim’albore
Dopu fughjite le gruppate
E dopu compiu lu furore.

Sè tù scopri oghje lu mondu
S’ella principia la to vita
Ascolta o criaturella
Cum’ella và quessa la vita
Carca di venti è di fiori Bis
E d’acque chjare à l’infinita.

Ti vogliu parlà una lingua
Chi oghje hè guasi pruibbita
Ma chi porta ad alta voce
Un’antra versu di la vita
Ella sarà per la luce
Chi rende a strada più schjarità.

Sè tù scopri oghje lu mondu…

Ti vogliu dà un ideale
Fattu di rispettu è d’amore
Per ch’issa terra è sta ghjente
Scaccinu disprezzu è dulore
E ch’ellu sbucci in lu to mondu
I sole di lu prim’albore.

Sè tù scopri oghje lu mondu.

Michel Fassati
A Filetta


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.