LYRIC / PARODDI / PARULLE / CANTI

M’era passatu à caccighjà per foce
Da sminticà un pucucciu e mo croce
Centu trenta trè culombi
In duie ore è mezu l’aghju tombi

Mentre ch’eiu ripigliava e mo strada
Mi sò trovu à cap’à cap’à un cignale
Ma cum’ùn avia palle
M’hè tuccata à tumballu à pitrate

À quale a voli fà crede ?
Ci faticanu e to fole
Simu amichi di gran’fede
Ma ti pichja troppu u sole !

Vergogna à chì ùn mi crede
Un sò omu à cuntà fole
Site amichi senza fede
Cum’estate senza sole…

M’arricordu una passata in Parigi
Quindice buttiglie per cinqui amichi
L’aghju pacate tutte eiu
Per chì u locu fussi lu mio imperu

Affaconu subbitu à minacciammi
U patronu è li so sbiri ammusciati
Eranu cascati male
Ch’anu compiu tutti à l’ospidale

À quale a voli fà crede ?
Ci faticanu e to fole
Simu amichi di gran’fede
Ma ti pichja troppu u sole !

M’imprestonu i mo cucini carnali
Una Porsche d’ottu centu cavalli
Da Bastia sò falatu
In Aiacciu à ciarbellu in bocca, à tappu !

Nant’à stada c’eranu i pulizzeri
Anu chjamat’ancu l’alicutteri
Militari è trà là là
Ma à mè mi cercanu sempre avà !

À quale a voli fà crede ?
Ci faticanu e to fole
Simu amichi di gran’fede
Ma ti pichja troppu u sole !
Ma ti pichja troppu u sole !

Vergogna à chì ùn mi crede
Un sò omu à cuntà fole
Site amichi senza fede
Cum’estate senza sole…
Cum’estate senza sole…

Ci faticanu e to fole…
Un sò omu à cuntà fole…
Ma ti pichja troppu u sole !
um’estate senza sole…
Ci faticanu e to fole
Un sò omu à cuntà fole…
Ma ti pichja troppu u sole !
Cum’estate senza sole…
Ci faticanu e to fole…
Cum’estate senza sole…


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.