LYRIC / PARODDI / PARULLE / CANTI

Simmai vesta ci vistarani di disprezzi
Fin’à truvà novi cavezzi
ùn mancarani l’argumenti
Par ùn lascià à sicutera
Mughjà issu pizzucciu di terra
Si sbrimbarà torn’ùn avvena

È si pur mai
Da risparà ci qualchì muca
C’impararani,
C’impararani à essa chjuchi

Simmai
Ci sarà sempri qualchì molu
Una calata grisgia in dolu
Cì sarà sempri una partenza
Mi truvaraghju à pasponi
Un anghju chetu in qualchì sognu
Da invitammi un alivetu

È sì pur mai
Da scunghjurammi ogni muca
Impararaghju
Impararaghju à essa chjucu

Simmai
Senza ammantammi di cunfini
Ti scrivaraghju senza fini
Stu locu mondu chì mi teni
Da ùn dà capu à l’ingannu
Ti purtaraghju appalamanu
Da sculinà spiranzi scemi

È si pur mai
Da crescia insemi senza muca
T’impararaghju,
T’impararaghju à essa chjucu

Alanu Di Meglio / Federicu Poggi

 

 


Accumudatu by

Cyril Gutierrez

SPARTE

  1. anny izak

    28 décembre 2020 at 09:44

    Bonghjornu!
    Serait-il possible d’avoir les paroles de « Suldatu » par les Voce Ventu, s’il vous plaît?
    Vi ringraziu!

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.