LYRIC / PARODDI / PARULLE / CANTI
Natu hè forse l’omu da l’opara d’un Diu
Stancu d’avè fattu tante è tante maravigie
Dènduli a ragione da ch’ellu possa sceglie
Trà u bè è u male fendu à bella megliu
Parchè a ghjente astuta hè cusi scillarata
A zitillina ùn hà nulla chi fà di ragione
I vechji à barba bianca fendu si una pusata
In ella, di sicuru, ùn ci anu divuzione
E l’omu di bon sensu si ride di i chjuchi
E quand’ella li pare si macagna à l’antichi
L’omu hè più suvente più scemu cà astutu
Certe volte a ragione a ragione hà pulsatu
E quand’omu dumanda cunsigli à a ragione
A quandu dice biancu, à quandu dice neru
E tandu cumu sapè hè un veru misteru
Più ùn circate à capisce più ùn punite quistione
Megliu po sarà ad esse un scemu astutu
Cà d’esse è di campà cum’è un astutu scemu
No comments yet