LYRIC / PARODDI / PARULLE / CANTI
Ghjunti ùn si ghjunti tutti, in purfin’ di u viaghju,
À chi hè torru à vultà, mai sarà più quellu,
A prigio li si ferma, pà u sempre inchjarpata,
Dà dirrudà lu sonnu, pinsendu à issu fiacellu.
Di core è d’anima pura, s’èrenu pisati un ghjornu,
In quellu mese di maghju, in piena giuventù,
Da salvà la so lingua, da salvà la so tarra,
Campa senza strazià, è innabissà schiavitù !
È funu tanti à calà l’ochji,
È tant’altri à esse urbiti,
È funu tanti à calà l’ochji,
È tant’altri à esse urbiti…
Di lu sèculu vinti, si cantanu e sciagure
U macellu in 14 è l’esiliu pricuratu,
L’internu sbiutatu, u clanisimu machjavellu,
Argentella è fanghi rossi, carri armati in Aleria
So tant’anni ad avà, ch’ella dura l’offesa,
N’aghju vistu soffre mamme,
Aspittendu un figliolu,
N’aghju vistu more babbi,
Aghjaccati da lu dulore,
N’aghju vistu zitelli, pienghje à crepanne lu core.
Mà oghje simu a voce rivolta,
Ma oghje simu tanti à sperà,
Mà oghje simu a voce rivolta,
Ma oghje simu tanti à sperà.
No comments yet