LYRIC / PARODDI / PARULLE / CANTI

D’altro o da qui, da i tempi landani
Omu cerca à capi, a forza arcana,
Chi sempre ci porta, trà u chjaru è u scuru,
Lume in la bughjura,

Nimu a spieca, hè cum’una preghera,
Chi un Diu lega, l’omi è la terra,
Hè a fiaccula eterna, di l’alma a bellezza,
L’antica purezza,

Ognunu a po sente, a tutti ci stringhje,
Hè u focu ardente chi u male spinghje,
Più forte è putente, cù a carne è u sangue,
Infiara a mio mente,

Cum’è u filu tesu, trà l’altu è lu bassu,
Quandu a vita pesa, guida i mio passsi,
Hè a porta aperta, trà stu mondu è l’altru,
L’anticu sicretu,

Unisce l’anima, u spiritu è u corpu,
In un ottimu liame, trà a vita è a morte,
Forza è Sapienza, Spaziu è tempu,
Di l’omu hè l’essenza.

Puesia di Pasquale Renucci
Mùsica di Franca Silana

Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.