LYRIC / PARODDI / PARULLE / CANTI
U fretu assalta le mio osse
Aspittendu u fiacellu, al di fora di e fosse
Scimizia assassina, scimizia assassina
Duv’è u statu francese assupranitu
Invia i nostri à fassi tazzà da lu piombu
E di punta à u muritoghju, barisgiali sdichjavati
E di punta à u muritoghju, barisgiali sdichjavati
Aghjaciulatu à nant’à issa pianura cutrata
Fideghju u celu lindu duv’è i nuli bianchi
S’infiuriscenu di i visi di i mei
Aghju persu tanti fratelli cari
Mamma brenna mo s’hè custagna
M’azzingu à issu pocu
So mortu vivu à mezu à a fangaghja
So mortu vivu à mez’à u murtizzu
So solu è m’invengu di la mio terra amata
I muschi machjaghjoli è l’amore d’una moglia
Per scancellà l’infracichera
Per scancellà i mughji umani
Sta mane torna, a neve di dicembre
Ammanta i corpi assiccati
Sprufundendu cusi l’avvene in mutighjine
No comments yet