LYRIC / PARODDI / PARULLE / CANTI
U soli spazza di i so raghji li furesti spimpillanti dopu à un piovu
d’aprili. Luccicheghja a mezu arburi un paisuchju. Un aceddu
chjuchjuleghja è rinnasci a natura chì si era lasciata alliscià da i
gocci freschi.
L’arburi si scuzzuleghjanu i branchi tesi versu u fiori giaddu di a
speranza. Pà issi stradioli nisun passu si face senta.
È puru tuttu ci pare cusì vivu, in fatti centini di capuchji culuriti
si alzanu versu un celu chjaru di libertà, sbattendu a traversu li
staghjoni i so cullarini. U sonu è l’accendita ùn li spaventanu.
In a tarra amata sò arradicati pà u sempri. È sè qualchì volta un
aciddonu neru scunvolga la vita ghjè pà rivendicà ghjustizia è
libertà.
Issa biddezza nuanzata di stragi rifletta a storia di u populu ch’eddi
pugnanu di suffucà. Com’è un focu chì rende l’anima ci vole à
attizzà i sensi.
Da li monti è da li piaghji, com’è un mughju prufondu scutu da
l’infinitu cresce lu to nomu : libertà. Un ventu di verità soffia nantu
à a tarra.
Cantu veru è profondu chì faci drizzà u pelu è ci strigni lu core, ci
unisci pà sempri.
Senti la nostra patria chì trema sottu à i pedi
No comments yet