LYRIC / PARODDI / PARULLE / CANTI
( Cù una musica di Ceccè Pesce )
Monsignore u duca avia riguaratu
I cavall’eppo l’arme è l’om’in cumpagnia
Nant’à la piazza d’arme avia cumandatu
D’ùn rompe la battaglia prim’à caccialli via
L’ingenii per la guerra eranu bell’accolti
Infilarati tutti, pront’à lampà macagna
Partinu belli fieri, ma i sperà sepolti
Inde l’avvene bughju, diland’à la muntagna
U capigenerale luccicava vittoria
È s’ellu pinserava, mancu fecia vede
L’idea di disfatta, daret’à la so gloria
Chì digià s’affianccava quandu s’incalvachete
Piuvia à lacrimà quand’elli sò vultati
Incù l’ochji spapersi d’avè vistu l’infermu
Ne mancava parechji in li ranghi tarlati
Ch’ùn pobbenu cuntà à le veghje d’invernu
Passonu le stagioni, e sciagur’eppo l’anni
E nascite vulsute è quelle per scurdà
Si ne morse u duca inde listessi panni
Ma in li caselli sempre, s’avia da trimà
In Bastia stu 6 d’aprile 2007
No comments yet