LYRIC / PARODDI / PARULLE / CANTI
Quantu n’avemu fattu passi è ghjucate inseme
Cù un tettu di filetta per unica furtuna
È tanti mondi novi avemu sunniatu
E sere d’alegria à l’ochju di a luna
Tanti panni stracciati è camisge di fora
I ghjorni di rivolta di guerra zitellina
È tante corse vane vive è spatansciate
Pè lu matticciu rossu di tagliu cristallinu
Tantu calore umanu sparghjia e so ale
Quandi u sgiò inguernu truncava i ghjamboni
Chì pè e strade bianche u vecchjone natale
À li fuconi accesi lentava e canzone
Eppo li primi passi quandi u tempu fughje
È le prime angoscie tinte da lu veranu
Mi davi a to bocca è u to primu mughju
È incù lu to furore stringhjii a mio manu
Eppo sò passati l’anni è si sò scorse l’ore
Cumu era lu to nome ?
I Chjami Aghjalesi
No comments yet