LYRIC / PARODDI / PARULLE / CANTI

Sole chì nasce in lu veranu
Aghju decisu un ghjornu d’ascultà a natura
Sole chì nasce in lu veranu
È sò partutu solu senza nisun’ primura
Dipoi aghju marchjatu senza perdene fiatu
Per issi monti felici à cità s’hè passata

Furtuna di tant’anni ne vegu l’attrachjata
Sole chì nasce in lu mio core
Trà l’arbacce bagnate spunta u primu fiore
Sole chì nasce in lu mio core
Hè cusì bellu è dolce in st’alba d’esse vivu
Ma da la mio muntagna sentu cullà a chjama
D’un zitellu chì pienghje signozzu di spaventu
Lacrime di nucenza affanu in lu ventu

Vita chì nasci in lu mio core
Oghje mi corre in giru è ghjè lu mio figliolu
Vita rinasci in lu mio core
Schjarisci in lu mio core
Schjarisci la mio strada riscaldi lu m’amore
L’insignaraghju à vive per ùn esse più solu
L’orfanellu chì pienghje sarrà lu so figliolu
U ghjornu di a mio notte purterà u mio dolu


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.