LYRIC / PARODDI / PARULLE / CANTI

Si meia pè lu ghjornu di li primi accunsenti
Di l’ochji spalancati à d’ogni lotta umana
E si paesi vioti battuti da li venti
Li stringhjenu una vita in un accordu stranu.
Mà si meia.

Si meia pè le stonde ch’ella strida timpesta
E chi a vita tale à un battellu persu
E circà la so strada di turmentu si veste
E pò mi mette in core l’odiu di l’universu.
Mà si meia.

Si meia pè la terra chi trema di passione
Pè tutti l’ochji chjosi chi un lucenu più
Pè le ghitare in festa di e belle canzone
E pè u fiore coltu à la to ghjuventù.
Mà si meia.

Si meia pè lu stracciu in punta à la mio lotta
Pè un punghju ch’eo pesu à tutte le cundanne
Pè la voce ribombu chi chjama la cuncolta
E mette in lu mio campu e millaie di rame.
Mà si meia.

Si meia pè lu fiume di rise è di zitelli
Pè la cuncolta amata di l’ore le più forte
Pè tutti li cumpagni chi ti dicenu bella
E ch’in la nostra casa trovanu lu s’aggrottu.
Ma si meia.

Si meia pè la notte chi veste lu rughjone
Di un populu feritu mucatu in lu so fiore
L’omi sacrificati à l’altare passione
Sò in le nostre mente cum’è fiaccule d’oru.
Mà sò nostri. Bis


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.