LYRIC / PARODDI / PARULLE / CANTI

Eri l’amicu fidu cun l’estru paisanu
Di surrisu sinceru eri eternu veranu
Chietu cum’è l’altagna in u so volu silenziu
Campavi la to vita tal’ultimu licenziu
Si ramenta u Niolu
U to passu felice
È quelle impaghjillate
À l’ora di a Santa
Oghje à son di murtoriu
U to sguardu ci dice
U viotu chì serà
Hè tristezza chì canta
Hè tristezza chì canta

Firmeranu di tè stalvatoghji saliti
Nant’i chjassi spartuti, ricordi culuriti
È quelle briachine fin’a mane à l’albore
Eri di festa in core d’amicizia è d’amore

Si ramenta u Niolu
U to passu felice
È quelle impaghjillate
À l’ora di a Santa
Oghje à son di murtoriu
U to sguardu ci dice
U viotu chì serà
Hè tristezza chì canta
Hè tristezza chì canta

Per chì t’hà cunnisciutu in u so core hè pernu
Ch’è tù fussi partutu oramai à l’eternu
Avà ch’è tù sì luce schjarisce ci a strada
È dà ci à sparte sempre rime vicinu à l’aghja

R.I.P / 7 di ghjugnu 2014


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.