LYRIC / PARODDI / PARULLE / CANTI

Puesia chì m’aiuti
S’eiu sò tristu o innamuratu
Quandu scappu pè li prati
È chì a mio mente hè muta

Riturnellu chì mi piaci
Quandu fughje u mio core
È ch’elle scappanu l’ore
Sì a mio voce si tace

Bella muvra chì mi basgi
Quandu battu a muntagna
A to corsa m’accumpagna
Quandi u mio estru hà l’asgiu

Paese di centu stagione
Foscu o chjaru pè i mesi
Sottu à i castagnoni appesi
Oghje mughju a to ragione

Boscu verde à u veranu
Quandu sbuccianu i fiori
Chì a chjama di l’amore
Rallegra u core umanu

Zitelletta di a notte
A to strinta innariulata
Nantu à a mio terra amata
A to chjama hè rivolta


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *