LYRIC / PARODDI / PARULLE / CANTI
Una luce passeghja
In lu capu abbughjatu
Ma quale hè chì la feghja
À buleghju à u passatu ?
Idee intrecciate
Da ligà mi lu vulè
Trà di elle intravate
Sò le radiche in mè
O beata rustaghja
Da pulì la furesta
Chjara cum’è un’aghja
Hè par mè une festa
« Lotta si chjama vita
A to nazione more ! »
Mughja una voce arghita
In fondu à u mio dulore
Aghju trovu a certezza
Vicina hè la lumera
Esiste a debulezza
Di francà la si spera
Sperenza senza lotta
Hè fame senza pane
Ùn ci hè chè la rivolta
Par creà lu dumane
È dumane nascerà
Di una vera sustenza
Un populu di campà
Hè venutu in cuscenza
No comments yet