LYRIC / PARODDI / PARULLE / CANTI
O tù chì dormi, in sta petra sculpita
D’avè suffertu da colpi è ferita
Dopu d’atroci martiri persu ai ancu la vita.
Oghje riposi tranquillu, a to suffranza hè finita.
Ma eiu sò un d’una fiamma ardente
Brusgiu è mughju tutt’ognunu mi sente
Sò i lamenti di i cumpagni è d’una Mamma i pienti
Chjamu ancu à Diu Supremu ci ritorni stu nucente
È fù per quella cun spiritu feroce
Da tanti colpi è viulenza atroce
Chjodi à le mane è li pedi questi t’anu messu in croce
O Diu tante suffranze fà ch’eo senti la to voce
Oghje per sempre tutta quest’hè finita
Avà sì mortu hè persa a partita
Oramai in Gerusalemme la ghjente hè sparnuccita
Vergogna ùn ci ne manca, morte sò a fede è a vita.
G. D. Marcotorchino \ T. Casalonga \ N. Acquaviva \ L. Grimaldi
Crée lors de la Passion de Calenzana (1982)
A Filetta
No comments yet