LYRIC / PARODDI / PARULLE / CANTI

Si hè stracquatu u sole nantu à una tela doma
E l’aria hè cusi lebbia cusi lindu lu trettu.
U scetru di a putenza l’aghju in manu ma hè soma
Da carricà a lege è u so inghjustu dettu.
Addonda a nustalgia di u me passatu di Roma
Duv’è mi ci aghju lasciatu un tempu benedettu.

Roma di a maestà e di u rispiru dolce,
Duv’è si gudia à fidighjà li celi.
E le sanghjuvannine sopra à u laziu corse
Chi trillanu d’amore trà venti fatti a meli,
Cù l’onde turchine in anda verdi u tirremu scorse,
Chi vanu à sbarsà u so fiatu à i so rii fideli.

Ma à chi pro u ricordu di u passatu d’Italia ?
A chi vale di chere a stu paese pace ?
Per chi speranza strigne in manu à mè issa scaglia
Di un marmaru di quallà chi a me core cunface ?
Più, n’ùn portu di Roma ch’è sciabula è battaglia
Quandi in l’anima meia hè nosgia chi ci ghjace.

Bella hè sta terra d’Oriente cù le so rene d’oru
Cù le so orte in frisgiu da per ogni vallata.
Ci hè pè i so fiumi cheti u spechju di ogni scioru,
E ci hè di notte tempu un cosimu stellatu.
Ma l’omi n’ùn anu pace è sdresgianu u splindore
Chi u so core hè di raghji a so mente ammurbata.

Anu arricatu a mè dece suldati in tresca
Un’omu for’di sesta chi sumino u scumpigliu.
In l’ochji soi c’era u focu a fiancu a l’esca.
Dicenu à u Sanedrinu chi ghjè locu d’appigliu
Ch’ellu porta a vuciata di a fede birbantesca
Vinuta a mette so Diu in un eternu esigliu.

Quant’elli eranu dolci u so sguardu u so visu.
Alta a so parolla è a so pace tamanta.
Iss’omu a guaru è solu quant’ellu era dicisu
A sfidà a mannaghja è ogni stonda franta.
Portu in core u so dettu chi ghjè da mè un surrisu
Ind’è l’arca più negra, un surrisu lampante.

Li daranu a frusta poi u trascinaranu
Da fa lu mette in croce in cima a una culetta
Eiu lu lasciaraghju a u so fatu inumanu
Puru s’è leghju in celu l’accusa ch’ùn fù detta
Chi altro era so brama da fà si omu arcanu
Si invenerà a mio mente è digià lu s’aspetta.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.