LYRIC / PARODDI / PARULLE / CANTI

Fiumorbu, 19ème siècle. La repression menée par les troupes françaises est féroce. Les atrocités commises contre les
habitants d’Isulacciu sont l’un des moments les plus sombres de notre histoire depuis 1769. Cette chanson rend homage
à ces patriotes qui n’ont pas voulu vivre soumis et privés de leurs terres.

Ùn eranu micca russi nè turchi, mancu prussiani
Nè menu ghjente chì fussi ghjunti da i lochi luntani
Cù à la testa un terrore è a so barbara passione
Ricalu di un dittatore chjamatu “Napulione”

In l’annate di u settanta, funu presi l’arrestati
Ch’i pastori tutti quanti devianu esse inchjustrati
Tuttu ghjera pruipitu di sinu à la muntagnera
Impregiunatu è culpitu quellu chi era fora a sera

Funu cunvucati in Corti, perchì s’eranu lagnati
I suldacci più forti, l’anu tutti fracellati
Di le murtale ferite surtia sangue à fiumare
E per copre i so striddi, ci era u sonu di e fanfare

Anu passatu trent’anni, d’inghjuglie è di privazione
Casticati da l’affani, di a turtura è di e spulsione
Li pigliavanu e so terre, pè a forza bè intesa
Peghju ch’un cunsigliu di guerra senza ricorsu o difesa

A forza di tripulazione, upprissione è fame à e porte
Nè fù presa a decisione perchi, era quessa o a morte
L’assaltu di a gendarmeria, pè l’armata hè ‘stata amara
Di “Morand”a frenesia, pè i corsi, custata cara

Di centu sessanta sette chjusi in ghjesgia d’Isulacciu
Un ci nè pudia più mette quellu boia vigliacacciu
Nove l’anu fucilati, quill’altri funu imbarcati
E tutt’issi disgraziati ùn sò maì più vultati

L’avianu ghjunti in “Tulo”, poi lampati accadastati
Addentru quelle prigio, famiti è nudi lasciati
Sò morti di maladia, di fame è di fretu i corci
Sorteci? nisùn pudia !trattati? peghju chè i porci !

Cumu puderanu fà ? À avè tante pritenzione
Sempre pronti à criticà i fatti d’altre nazione
Libertà, parità, sò parulle belle è forte
Cum’è pè a fraternità, si sò chjuse tutte e porte

“Isulacciu”a to storia, maì sia dimenticata
Presente in ogni memoria, In ogni core stampata
Chi à ‘ssi morti assassinati, li sianu resi l’onori
Sò morti per esse stati, corsi,campagnoli è pastori

Ghjuvan Carlu CASTELLI


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *