LYRIC / PARODDI / PARULLE / CANTI
Eri in tuttu lu rughjonu cavalieru rinumatu
Oghje a machja si lagna,chì l’eternu t’hà chjamatu
À mez’à lu to caminu o Pà, ti ne si andatu…
O amicu, o frateddu, Cusì ingrata la sorti,
Arrubendu ti lu fiatu, chì sò stati li to torti ?
Tù chì amavala vita di manera cusì forti…
Purteraghju sempr’in mè lu t’amore di ‘ssa terra,
A felicità di l’essa quandu spunta l’alba chjara,
Arriposati avà o Pà, in la to furesta cara…
Da lu Taravu è la Rocca è li vaddi d’Alisgiani,
Si sò tutti adduniti, amichi è paisani
Quand’hè ghjunta la nutizia causa di tanti danni…
Ùn si sinterà più rimi nant’à ‘ssi verdi cullini
Ancu l’aceddi sò muti da lu chjosu à li marini
Ùn mughja mancu lu ventu pà sti furesti vicini…
Purteraghju sempr’in mè lu t’amore di ‘ssa terra,
A felicità di l’essa quandu spunta l’alba chjara,
Arriposati avà o Pà, in la to furesta cara…
Quanti galuppi ’emu fattu, quanti sirati di cantu
In sti tempi biniditti ugni ghjornu era un incantu
U soli chì si schiaria era un amori tamantu..
A passioni era lu to fiatu, u versu la to manera
Ti bastaia un caffè o qualchì campu di fiera
Per sminticà ogni cosa è passà a notti intiera…
Purteraghju sempr’in mè lu t’amore di ‘ssa terra,
A felicità di l’essa quandu spunta l’alba chjara,
Arriposati avà o Pà, in la to furesta cara…
Purteraghju sempr’in mè lu t’amore di ‘ssa terra,
A felicità di l’essa quandu spunta l’alba chjara,
Arriposati avà o Pà, in la to furesta…
No comments yet