LYRIC / PARODDI / PARULLE / CANTI

Capu in u ventu, pedi in a rena,
Mistiriosa cità di l’eternu !
« Deo Juvante » divisa hè toia,
Diu salvera a to pena !

Strulongi oramai quiddu mari,
Pà scopra ogni tantu a mancanza !
Sott’a u celu sirenu di u tempu d’eri,
Di issa anima persa nant’a l’immensita !

U dulori schiarisci a notti senza stedda,
E u gran’ventu strascina in vanu a so miseria !
Ma tu sai chi a u largu di stu mari,
Posu nant’a un linzolu di sciuma,
Un aceddu migratori si sazzia,
Di l’amori di u to cori !

Viaghjia u cantu di l’assenza sott’a u turchinu,
L’ultimu ghjornu nant’a i to mani di a realita !
In l’immensu meziornu di a malincunia,
Com’e un segnu culori di una vita incerta !

Riturnella sculurita da i stondi muti,
Ottobri hè qui è sippilisci a to vita !
Bandera svinturata da quiddi offesi,
A i culori di liberta è di pena !

U dulori schiarisci a notti senza stedda,
E u gran’ventu un soffia più drintu a vela !
Ma tu sai chi a u largu di stu mari,
Posu nant’a un linzolu di sciuma,
Un aceddu migratori si sazzia,
Di l’amori di u to cori !

Bruno Susini
Surghjenti


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.