LYRIC / PARODDI / PARULLE / CANTI
Dù sò quiddi ghjurnati,
Dù i staghjoni intriciatti
Cuddiani i fiora
Pà a ziteddina nata
Dù sò quiddi mumenta,
Qualè chi l’hà accantati
Sarà u tempu fermu
A u nosciu stintu ingratu.
Dù sò i fistighjati
In’i nosci paisola
Chi di mani è di nuttata
Cantaiani à stessa ora
Spuntaia à luci piena,
Raghju di u soli
Dicendu, tu voli vena,
L’anoiu sarà solu.
Spuntaia à luci piena,
Raghju di u soli
Dicendu, tu voli vena, Bis
L’anoiu sarà solu.
Dù hè a fratiddanza,
Chi no avemu cantatu
Sigondu a circustanza,
Da troppu a mancanza.
Cunsulara un ricordu
Chi si senti inghjuriatu
O circarà l’accordu
Di a miludia scartata.
Cunsulara un ricordu
Chi si senti inghjuriatu
O circarà l’accordu Bis
Di a miludia scartata.
Dù sò, i schietti brami
No’aviamu acquistatu
In chi foscu di catranu
Sò l’oghji è u passatu
Oghji quandi u tempu
Mi presta una pinsata
Sò tali un ziteddu,
Chi ferma abbandunatu
Oghji quandi u tempu
Mi presta una pinsata
Sò tali un ziteddu,
Chi ferma abbandunatu
Sò tali un ziteddu,
A l’avvena passatu. Bis
Natali Valli
Surghjenti
No comments yet