LYRIC / PARODDI / PARULLE / CANTI
Mentri chi u tempu passa
E si cascani l’ori,
In l’abissi cilesti,
Di l’eternu anda …
Mentri chi corri l’acqua
D’impazziti batteddi
A i foli di veli
Di l’eternu naviga …
Ma avara, avara lu tempu
Di fa cresce a to vita
Avara issu tempu, sta stonda maraviglia …
Ma avara, avara lu tempu
Di fa nasce l’armunia,
Avara issu tempu, a stonda maraviglia …
Mentri chi si tomba amori
N’un crudeli silenziu,
Chi lu mondu si mori
E di l’eternu pientu …
Mentri chi tu camini
E in fronti a l’avveni,
Si fughjanu i to passi
Di l’eternu brama …
Ma avara, avara lu tempu
Di fa cresce a prumessa
Avara issu tempu, sta stonda maraviglia …
Ma avara, avara lu tempu
D’accittà quidda carezza
Avara issu tempu, a stonda maraviglia … Bis
Bruno Susini
Surghjenti
No comments yet