LYRIC / PARODDI / PARULLE / CANTI
U me cori hè fasciatu d’imbasciata cusi bedda
Partu oghji à stringhja mani chi ci’hà ricatu a morti
Hà da essa quiddu ghjornu stunatu’ddà noscia accolta
E u ventu s’hà da arreghja da subr’à rena
Chi ci faci da locu
Da tantu tempu da tanti stundi un voli esse più qui
Chi ci veni à calmina.
E u mari si pirdarà in i so abBissa neri
U marosu si n’hà da andà a casticà altri spondi
Pà ave stiratu indarru a piaghja di i feriti
E di vidi abbandunata quidda vindetta
A vindetta bramata
Pà tanti secula pà tanti morti tanta ghjenti lampata
Senza ave gosu vita.
Sarà pattu à bastanza a strinta di i nosci mani
Campusanta inchjudati pà subr’à tanti ricorda
Chi dicenu chi sò innummici a so stidda è a luna
Aghju u cori fasciatu d’una imnasciata bedda
A scummissa s’hè scema
Di vulè fà i paci aghju u cori fasciatu
D’una spirenza ardita.
Ghjacumu Thiers \ Bruno Susini
Surghjenti
No comments yet