LYRIC / PARODDI / PARULLE / CANTI

Seti un ventu scemu chi abbaghja a l’universu,
Pò’ssu celu incertu fattu d’ora è di ghjorna offerti.
Seti u silenziu stiddatu chi fighjola u mondu malatu,
Di la notti prufonda di i nosci passi sviati …

Seti di issa fedi chi cunsuma u tempu
A scatina i mari di l’amari distini,
Seti a mani nant’a a bucca, è l’ochju oscuru …

Seti di issa tarra a i cunfini tanti sfrarenti,
Una idea cumuna chi susteni ogni prighera.
Seti di a traccia fideli chi vi porta a i lindumani,
Pò un tonu maestru da impona a so manera …

Ma seti di issa vita chi mori com’è un fiori,
Appena tocca quandi u regnu hè finitu,
Seli una foglia in a timpesta,
Un ombra smarita …

Bruno Susini
Surghjenti


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.