LYRIC / PARODDI / PARULLE / CANTI

Vo furtezzi prisenti, pisati da u tempu
Chi trascinani l’età, d’un carissimu mondu
Innacquati suttu à u più antica ventu
Frischi di mimorii ni sò da cim’à in fondu
Aggrotta di i mei d’un sognu vagabondu.

E dura hè a cannedda di quiddu omu chi
Lampa i parolli nantu à un versu frantu
Com’è si narbosu duvintaia u mari
Ani a sumidda di petri è di stentu
Una vera sumidda arnisata d’incantu.

Ugni pezzu di tè si voli graziosu
Tarabuceta bedda ti lenta a so voci
Da u locu di Talza à Pughjala pumposu
Un cusi beddu spaziu à la menti traduci
« Avretu a me piana, in u me cori luci. »

Carulu Contri \ Chirghinu Canarelli
Surghjenti


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *