LYRIC / PARODDI / PARULLE / CANTI

Socu Liona di a dulcezza
Infattata da a billezza
Fatta da ghjuvedda di splindori
Fata chì inghjenna l’amori

Socu Liona di u prufumu
Incendu ugni lumu
Incù a me boci miludia
Chì da vicinu vi bastaria

Socu Liona di a carezza
Pà l’eternu lamp’una frezza
T’alliscu incù i me mani
Pà una stunda o pà dui anni

Socu Liona di u furori
Ni sdrughju à tutti l’ori
In i vosci sonnia firmaraghju
Eiu t’aghju un cori d’acciaghju

Quiddu ch’e vecu scappà
Senza ch’e u pudissi chjappà

Socu Liona di una Dea
Chì li piaci à strappà leia
Basta ch’e lampi un ochji
È vi vecu in vinochji

Socu Liona di u chjarori
Quidda chì arruba i cori
À l’ora di a binidizioni
Dicu innò è scappu à pasponi

Socu Liona di a tristezza
Culpa à a me ricchezza
Socu solu un desideri
Mai un amori sinceri

Socu Liona di a dilusioni
Basgiu senza passioni
Ùn sò di amori i me labbra
U me cori ùn s’hà da apra

Socu Liona di a Liona
Rughju in tutti i rughjona
Mi sdrufingu in u neru
Chì voddu frisgià l’amori à veru    x2

Svegliu d’Isula


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *