LYRIC / PARODDI / PARULLE / CANTI

Ùn c’hè scumessa à purtà mi
N’è menu rappinaria
Cù sti canti com’è armi
Ghjornu di Santa Maria
D’una baddi à tafunà mi
Mi parghi a curtisia

Dispiaciarà ad ognunu
In tamantu casamentu
Chì par mubilia cummuna
Teni marmaru è arghjenti
Ch’ùn cunnosci di a funa
Ch’è u nodu leiaghjenti

Ma mi tocca à dì vi avali
O signora Ghjasippina
Ch’u sol’affari chì vali
Hè piattatu in a me rima
Assucià a razza nobili
Incù a sterpa ghjacarina

I caldamoni quì fora
A vi ghjurgu ùn sò nienti
À cant’à lu me amori
Ùn si metti sacramentu
Cusì bedda di bon’ora
Un’aghju lu cori buddenti

Di piddà mi par maritu
Sarà a più bedda fola
Cumpariscu è sò struitu
Mettu sempri u pani in tola
Senza st’amori infinitu
Quì più nienti mi cunsola

Spalancheti i ghjilusii
Feti ghjà dunqua lu saltu
Vi faraghju sempri cunnoscia
Chì par vo eiu nun faltu
A filicità iterna
Di u sintimu u più altu


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.