LYRIC / PARODDI / PARULLE / CANTI
In i me loca
U so stintu hè
Com’ è un nivulu di fumu
Hè sparitu ùn si sà comu,
Quali hè chì hà spintu issu lumu
Ùn si pò ritruvà
È u vulemu firmà
U me celi chì s’abbughja
U infattemu troppu à spissu
U silenziu ùn si capisci
Davanti à tamantu abissu
A vi possu assigurà
Ùn hè banalità
À u crucivia di a sintenza
Hè scambiata a cuscenza
Com’è un’attu d’unori
Oghji si strappani i cori
Sò tanti lizzioni indarru
U custattu hè cusì amaru
A ruvina si custruci
Inghjalocu ugni ghjornu
Di piantà la di parà la
Oghji n’avemu bisognu
Ùn ci vò mai più sparà
Pà tuttu arrigulà
In i me loca una vodda
Apparisci pianu pianu
Di suminà granu novu
pà accodda ni unu sanu
Ùn pudemu stà sdrutti
Muvimu ci tutti
O vindetti, o malfatti
Vi faremu malamorti
À u crucivia di tanti anni
Faremu u nosciu dumani
Chì u stintu di l’avvena
Riposi à nantu à a paci
No comments yet