LYRIC / PARODDI / PARULLE / CANTI

Ochji beddu puru è schiettu
A to cursa un viaghju
Trascini u to sicretu
Saltendu sin’à a piaghja
Luntanu da a to partanza
Se ricchezza è spiranza

Praticatu è amatu
Ci desti pesci è bagnu
S’apprizzò u to aiutu
Ma di menu chè u guadagnu
Duvintasti pianu pianu
Cimentu è catramu

Runziconi u to sangui
Ti cambioni u prufumu
Hè in stu cunduttu chì
S’arruvinò u to lumu
Inghjulia è inghjustizia
Si capisci a to stizza

Rabbia chì oghji ùn si senti
Com’è una lotta muta
Chì ùn tocca più li menti
Di sta robba tant’astuta
Chì idda hè solu asata
Pà cuntà a so misata

Ochji beddu puru è schiettu
U vulii u rispettu
Mali com’è u piccatu
T’ani ancu impuzzinatu
Ùn rughji mancu una piena
Troppa forti hè a to pena.

Ochji…

Svegliu d’Isula


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.